Kryetari i Komunës së Rahovecit, Smajl Latifi, ka shprehur pikëllim të thellë për ndarjen nga jeta të ish-ushtarit dhe veteranit të Ushtrisë Çlirimtare të Kosovës, Abedin Krasniqi nga fshati Senoc.
Përmes një mesazhi publik, Latifi ka theksuar kontributin e çmuar të të ndjerit në luftën për liri dhe sakrificën e fshatit Senoc për atdheun.
“Senoci, si shumë fshatra të Rahovecit, ka dhënë bijtë që i dhanë shpirt e gjak luftës për liri. Abedini ishte njëri ndër ta, si veteran i Ushtrisë Çlirimtare të Kosovës, kontribues i çmuar dhe pjesë e pandashme e qëndresës për liri”, ka shkruar Latifi.
Ai ka shprehur ngushëllime të sinqerta për familjen, miqtë dhe bashkëluftëtarët e tij, duke theksuar se kontributi i Abedin Krasniqit do të mbetet përherë i nderuar dhe i paharruar.
“Lavdi dhe nderim jetës dhe veprës së Abedin Krasniqit! Qoftë i përjetshëm kujtimi për të”! përfundon reagimi i kryetarit Latifi.
