Teatri i Qytetit “Bekim Fehmiu” në Prizren mirëpret publikun sonte, nga ora 20:00, me shfaqjen “Deni dhe Deti i Thellë i Kaltër” – një tragjikomedi e fuqishme për dashurinë, faljen dhe luftën për të mos u dorëzuar, përcjell PrizrenPress.
Nën regjinë e Ana Batevës dhe me interpretimin e jashtëzakonshëm të aktorëve Liridona Shehu dhe Alban Krasniqi, kjo vepër prek në mënyrë të ndjeshme thellësitë e shpirtit njerëzor. Dy njerëz të vetmuar takohen në errësirën e natës, duke përballuar demonët e brendshëm dhe duke kërkuar mirëkuptim në një botë që duket se ka humbur drejtimin.
Shfaqja është e përshtatshme për moshën 18+ dhe sjell një përvojë teatrale emocionale që nuk duhet humbur./PrizrenPress.com
