Sot, në ambientet e Universitetit “Ukshin Hoti” në Prizren, u zhvillua Panairi i Punës dhe Karrierës, i organizuar nga Qendra për Karrierë dhe Alumni e universitetit, me mbështetje të GIZ-it gjerman, përcjell PrizrenPress.
Në këtë ngjarje morën pjesë dhjetëra biznese dhe organizata, të cilat ofruan mundësi punësimi dhe praktikë për studentët.
“Panairi u vizitua nga qindra studentë, të cilët patën rastin të krijojnë kontakte direkte me përfaqësuesit e tregut të punës dhe të eksplorojnë mundësi konkrete për zhvillimin e karrierës së tyre profesionale”, thuhet në njoftim të universitetit./PrizrenPress.com
