Drejtori i KDI-së, Ismet Kryeziu ka reaguar pas zhvillimeve në Kuvend ku as për të 13-ën herë me radhë nuk u arrit të konstituohet.
Për këtë ai ka drejtuar kritika ndaj deputetëve të zgjedhur.
“ Nga një pozitë që duhej të ishte fisnike, e respektuar dhe me autoritet, roli i deputetit sot është shndërruar në një figurë irrituese, pa peshë dhe pa vlerë për shoqërinë”, shkruan Kryeziu në një postim në Facebook.
Si në seancat e mëhershme, ashtu edhe në të sotmen, kryesuesi i seancës, Avni Dehari kërkoi krijimin e komisionit për votim të fshehtë për zgjedhjen e kryeparlamentare.
