26.3 C
Prizren
E shtunë, 9 Gusht, 2025

Arrestohet i dyshuari për shtënie me armë zjarri në një lokal në Korishë të Prizrenit

Policia e Kosovës ka njoftuar se në Korishë të Prizrenit ka arrestuar një person për shkak të dyshimit se ka shtënë me armë zjarri në një lokal.

“Më datë 18.05.2025, rreth orës 00:20, në fshatin Korishë, përderisa patrulla policore e Stacionit Policor Prizren-Veri ka qenë duke zhvilluar pikë kontrolli, në afërsi janë dëgjuar të shtëna me armë zjarri. Zyrtarët policorë kanë reaguar menjëherë duke lokalizuar lokacionin, i cili ishte një lokal kafe-bar. Patrulla policore ka siguruar vendngjarjen dhe, me urdhër të prokurorit, është bastisur lokali”, thuhet në njoftimin e policisë.

Në vendngjarje, gjatë bastisjes, sipas njoftimit, është gjetur një pistoletë si dhe gjashtë gëzhoja, kurse provat janë marrë nga njësia e krim-teknikës dhe hetuesi kujdestar.
“I dyshuari që ka shtënë me armë është arrestuar dhe, pas intervistimit, me vendim të prokurorit është ndaluar për 48 orë”, thuhet në njoftim.

Në këtë rast, sipas Policisë, është sekuestruar arma dhe kanë filluar hetimet për veprat penale “Shkaktim i rrezikut të përgjithshëm” dhe “Mbajtje në pronësi, kontroll, posedim apo shfrytëzim i paautorizuar i armës”.

Marketing

Më Shumë

Përdorën armë në dasma – 3 të ndaluar dhe 4 pistoleta të sekuestruara në rajonin e Prizrenit

Policia e Kosovës ka ndaluar tre persona dhe ka sekuestruar katër armë zjarri të llojit pistoletë në rajonin e Prizrenit, pas të shtënave të...

Roli i kolonelit të Policisë në Prizren, dyshohet se detyroi një person të heq dorë nga një pronë

Një hetim që kishte filluar muaj më parë ka rezultuar me arrestimin e katër personave në Prizren, në mesin e tyre edhe kolonelin e...

Lajmet e Fundit