Në qytetin e Prizrenit u mbajt edicioni i 21-të i festivalit tashmë tradicional “Bunarfest”, një ngjarje unike që bashkon sportin, argëtimin dhe përkushtimin ndaj natyrës. Këtë vit, rreth 100 sportistë morën pjesë në garën emocionuese të raftingut me goma traktori dhe kamioni, duke sfiduar rrjedhën e ujërave të ftohta të lumit Lumbardh.
Lumi, i cili buron nga majat e thepisura të Sharrit dhe ndan qytetin historik të Prizrenit në dy pjesë, shndërrohet për një ditë në pistë të aventurës dhe adrenalinës. Gara nisi nga zona Sentral dhe përfundoi në urën ikonike të gurit në qendrën e Shatërvanit, duke sjellë emocione të forta për garuesit dhe spektatorët.
Përveç sportistëve nga Kosova, festivali tërhoqi edhe vizitorë nga vende të ndryshme të Evropës dhe Ballkanit, të cilët shijuan një përvojë të rrallë në zemër të qytetit.
Pjesë e programit ishin edhe aktivitetet muzikore dhe pastrimi i brigjeve të lumit, duke përforcuar mesazhin për një bashkëjetesë të qëndrueshme me natyrën.
Fituesit e edicionit XXI në Bunarfest
1. Lee Sailor
2. Bashkimi Jr. Team
3. Renata & Hana
Marketing
Kliko videon: https://www.facebook.com/PrizrenPress/videos/1684680412412465
