Java e 27-të në ProCredit Superligë pritet të sjellë super përballje dhe sfida shumë të rëndësishme para fillimit të garave shtesë.
Trepça dhe Bashkimi kanë siguruar gjysmëfinale e “Play-off”-it, derisa garë e ashpër po shkon për katër vendet tjera dhe kush do të mbijetojë, raporton PrizrenPress.
Golden Eagle Ylli dhe Peja kanë pikë të njëjta, por synojnë vendin e katërt që i siguron epërsinë e terrenit vendas në çerekfinale.
Bora që ka siguruar vendin e tretë ndeshet me Golden Eagle Yllin të premten. Prishtinasit kanë 14 fitore e 12 humbje, kurse therandasit 11 fitore e 15 humbje.
Sfida shumë të rëndësishme do të zhvillohen të shtunën.
Rahoveci 029 pas fitores ndaj Vëllaznimit janë të motivuar për fitoren e radhës, ku do të përballen me kampionin dhe liderin Trepçën. Vreshtarët janë në vendin e shtatë me nëntë fitore e 17 humbje, kurse mitrovicasit kanë 23 fitore e tri humbje.
Sigal Prishtina – Vëllaznimi është po ashtu përballje e rëndësishme. Prishtinasit kanë dhjetë fitore e 16 humbje, ndërsa kuqezinjtë janë në vendin e fundit me tetë fitore e 18 humbje.
Java e 27-të do të përmbyllet me ndeshjen mes Pejës dhe Bashkimit. Verdhezinjtë kanë 11 fitore e 15 humbje, derisa Portokallezinjtë 18 fitore e tetë humbje.
ProCredit Superliga – Java 27
E premte
19:30 Bora – Golden Eagle Ylli
E shtunë
17:00 Rahoveci 029 – Trepça
19:30 Sigal Prishtina – Vëllaznimi
E diel
20:00 Peja – Bashkimi
/PrizrenPress.com/
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
