Edhe pse shumë prej të burgosurve kosovarë të cilët po vuajnë dënimet nëpër burgjet e Kosovës për krimet që i kanë bërë, shpresojnë se për nderë të festës së Vitit të Ri, ata do të mund të lirohen, një gjë e tillë nuk do të ndodhë.
Presidentja e Kosovës, Atifete Jahjaga nuk do ta falë asnjë të burgosur për Vitin e Ri, kështu ka bërë të ditur për “Zëri”, zëdhënësi i saj, Arbër Vllahiu.
Sipas tij, të gjithë të burgosurit duhet të presin deri më 17 shkurt, pra në ditën e pavarësisë së Kosovës.
“ Jo për Vitin e Ri, Presidentja nuk do të falë asnjë të burgosur, por për 17 shkurt ashtu edhe siç ka ndodhë vitin e kaluar do të falen disa nga të burgosurit”, ka thënë Vllahiu për “Zëri”.