Në LDK s’kanë vendosur ende për zv/ministrat dhe pozitat tjera në Qeveri, të cilat i takojnë kësaj partie. Duket se fluksi prej 700 emrave për të siguruar një punë po i sjell telashe serioze kësaj partie.
Zëvendësministrat dhe këshilltarët politik nuk janë caktuar ende nga LDK. Dhe, të paktën tre zyrtarë të lartë të kësaj partie, kanë thënë për Politiko.net se nuk e dinë se kur do të ndodh emërimi i tyre.
Nënkryetari i LDK’së, Haki Rugova, deklaroi se s’ka përgjigje për këtë. As dy anëtarët e Kryesisë së LDK’së, të cilët ishin të përfshirë direkt në bisedimet dhe harmonizimin e marrëveshjes së koalicionit me PDK’në, Lutfi Haziri dhe Agim Veliu nuk kanë pasur përgjigje për këtë çështje. Haziri tha se nuk është i përfshirë në këtë proces ndërsa Veliu deklaroi se s’mund të flas për këtë çështje.
Atëherë pyetja shtohet se kush duhet të flas dhe kush duhet ta di datën e saktë se kur do të emërohen zv.ministrat nga kjo pari dhe cilët emra duhet të zgjedhën për postet e mbetura të LDK’në në Qeveri?
Në media është raportuar se janë të paktën 700 kandidatë të propozuar nga Degët e LDK’së për të marrë ndonjë pozitë në institucione, gjë që duket ka shkaktuar edhe telashin më serioz për këtë parti që prej arritjes së koalicionit me PDK’në./Politiko.net