Banka Botërore në Kosovë gjatë ditës së djeshme ka mbajtur takim me Ministrin e Arsimit të Kosovës, Arsim Bajramin me të cilin janë diskutuar mundësitë për investime në fushën e Arsimit nga Banka Botërore në Kosovë
Projekti për Përmirësimin e Sistemit të Arsimit në Kosovë do të mbështesë përmirësimim e kapaciteteve për planifikim strategjik, menaxhim financiar, monitorim dhe vlerësim në sektorin e arsimit, grantet për zhvillimin e Shkollave, përmirësimin e kapaciteteve menaxhuese të institucioneve për përmirësimin e cilësisë në arsimin para-universitar dhe përmirësimin e kapaciteteve të institucioneve kryesore për monitorimin e rezultateve mësimore dhe të vlerësimit të mësimit të nxënësve.
Projekti i propozuar mendohet të jetë në vlerë prej USD10 milion, për periudhë 4 vjecare të implementimit. /Indeksonline/