Asamblisti i Lëvizjes Vetëvendosje! në Prizren,Arbër Rexhaj ka akuzuar Komunën e Prizrenit se i ka kontribuar migrimit të qytetarëve të këtij qyteti.
Sipas tij, Komuna e Prizrenit deri më tash nuk ka pasur asnjë alternativë për zhvillimin ekonomik dhe hapjen e vendeve të reja të punës.
“Është e dhimbshme kur në çdo natë veç nga Prizreni ikin me qindra qytetarë”, shkruan Rexhaj në Facebook.
“Përgjegjëse sigurisht janë të gjitha qeverisjet, mirëpo këtu ka përgjegjësi edhe Komuna e Prizrenit. 47 për qind e Komunës sonë jetojnë në varfëri”.
“Ikjet masive tani kanë marrë trajtën e plotë edhe në komunën tonë. Vec dje nga stacioni i autobusëve kanë ikur 6 autobusë. Ishte e tmerrshme të shikoje familjet e fëmijët e tyre të përlotur tek merrnin rrugën e Hungarisë”/PrizrenPress.com/