Delegacioni i Republikës së Kosovës, i kryesuar nga kryetari i Komisionit Qeveritar për Persona të Zhdukur, Prenk Gjetaj, po qëndron në Gjenevë, në kuadër të aktiviteteve dhe takimeve zyrtare.
Gjatë një konferencë të mbajtur për mediet zvicerane dhe ndërkombëtare, me temën: “Personat e zhdukur në Kosovë”, Gjetaj ritheksojë edhe njëherë rëndësinë dhe kërkesën që bashkësia ndërkombëtare të shtojë presionin ndaj institucioneve të Serbisë, që të jenë më bashkëpunuese në hapjen e dosjeve dhe ofrimin e informacionit për vendndodhjen e varrezave masive.
“Kemi dyshime dhe informata që Serbia vazhdon të fsheh edhe varreza tjera masive, me mbetjet mortore të viktimave të luftës së fundit në Kosovë. Dhe me këtë rast, për informimin tuaj, më lejoni të paraqes disa nga rastet e varrezave masive në territorin e Serbisë, si Batajnica, një zonë ushtarake dhe me siguri të lartë që pamundëson qasjen përveç strukturave të caktuara ushtarake dhe policore. Rasti i Rashkës, ku gjatë vitit të kaluar janë zhvarrosur mbetjet mortore të 53 viktimave, të identifikuar deri më tani, nga lokacioni ‘Gurorja në Rudnicë`, nga këneta e mbuluar me dhe e beton, mbi të cilën ishte ndërtuar një objekt i një kompanie publike, me të vetmin qëllim për të fsheh gjurmët e krimit”, ka thënë Gjetaj./Epoka e re/