Kuvendarja e Lëvizjes Vetëvendosje! Drita Millaku ju ka kundërpërgjigjur kërcënimit për padi të drejtorit të Arsimit në Prizren, Nexhat Çoçaj. Ajo ka paralajmëruar Çoçajn se në seancën e 12 marsit do të përballet me faktet e gjetura në arsimin e Prizrenit.
Postimi i plotë dhe pa ndërhyrje në Facebook i Drita Millakut
Fjala “PADI” në fjalorin e Nexhat Çoçajt është bërë pjesë e përshëndetjeve ditore të tij. Kushdo që i del përballë, e ka nga një. Populli është ngopur me fjalë o zotëri. Kot krijon mjegull, sepse dosjet e tua, shkeljet e tua dhe keqpërdorimet e tua nuk të kanë ardhur nga asambleja por nga lakmia dhe direktivat e SHIK-ut. Tash ballafaqohu me pasojat. Nexhat Çoçaj nuk është i vetëdijshëm se sa shumë e ka degradu arsimin në Komunën e Prizrenit, bile edhe më keq se “SHKOLLAT E NATËS”në vitet e 50-ta. Nexhat Çoçaj nuk është në dijeni që nxënësit mbarojnë shkollën e mesme dhe nuk dinë shkrim-lexim e mos të flasim për tabelë të shumëzimit, dhe po të njëjtit ai i sistemon në punë si mësimdhënës. Fatkeqësisht DKA-ja është bërë çerdhe e shkeljeve dhe e analfabetëve, duke punësuar dhe emëruar si drejtorë të shkollave hajdut që zhvatin mjete dhe keqpërdorin postet e tyre. Nexhat Çoçaj, shihemi në seancën e datës 12 mars ku do të ballafaqohesh me fakte të keqpërdorimeve që i ke bërë ti dhe sejmenët e tu.