Në fshatin Krushë e Madhe është përkujtuar 16-të vjetori i rënies së dëshmorëve Dalip Behra dhe Bekim Gashi. Kryetari i Rahovecit, Idriz Vehapi tha se fjalët janë të pakët për dëshmorët e kombit.
“Sot e 16 vite më parë ata ranë pikërisht këtu në këtë vend për të treguar se këto troje janë dhe do të jenë gjithherë të Shqiptarëve . Fjalët janë të pakta, për të përkufizuar vlerën e madhe të gjakut të derdhur të të gjithë dëshmorëve të kombit, por ngushëllimi më i madh për këta është liria, pavarësia, zhvillimi ekonomik,shkollimi i brezave të ardhshëm dhe puna e jonë e përditshme për të ndërtuar dhe zhvilluar vendin tonë. Dëshmorët me gjakun e tyre, me veprën e tyre neve të gjallëve na e sollën lirinë, ndërkaq për vetën e tyre e siguruan parajsën dhe pavdekësinë”, tha Vehapi.
Në emër të OVL e UÇK-së Dega në Rahovec, ndërkaq foli Ejup Kabashi.
“Po i kujtojmë trimat dhe heroizmin e bashkëluftëtarëve tanë.Dalipi dhe Bekimi ishin ushtarak të mirëfilltë, të cilët nuk njohën friken, por bënë heroizmin, sepse nuk kishin ndryshe se si të quhen përpos hero”, tha ai.
“Misioni i tyre ishte shumë i shenjët,fisnik dhe më përmasa të mëdha, sepse ata morën mbi supet t tyre për ta luftuar edhe atë pak të keqe që kishte mbetur”./PrizrenPress.com/