EULEX-i me të vërtetë ishte EUL – Experiment, ka deklaruar shefi i këtij misioni në Kosovë, Gabrielo Meucci.
Për herë të parë në “Rubikon” të KTV-së, shefi i këtij misioni ka pranuar se mandati i EULEX-it do të përmbyllet, raporton KTV.
Meucci, i cili është shprehur se ka ardhur në Kosovë për ta dërguar drejt mbylljes mandatin e EULEX-it, është shprehur se në fillim e ka pasur të vështirë t’i kuptojë akuzat ndaj misionit që po udhëheq.
Por, nëse ka qenë apo jo i suksesshëm eksperimenti i BE-së në Kosovë, kjo do të shihet më pas dhe këtë do ta vlerësojnë historianët.
Gjithashtu Meucci ka potencuar se megjithatë Kosova nuk qëndron keq sa i përket korrupsionit, pasi sipas tij, është e 8-ta në rajon sa i përket kësaj dukure.
Ndërkohë që Ilir Deda ka shprehur frikën e tij se pas përfundimit të mandatit të EULEX-it, BE-ja do ta vendosë këtë mision në një zyrë në Bruksel dhe ajo do ta mbikëqyrë Gjykatën Speciale.