Remzi Bajselmani, drejtori i larguar nga Gjimnazi “Gjergj Kastrioti-Skënderbe” që kishte paditur Komunën e Suharekës për kthimin në vendin e punës ka fituar gjyqin më këtë të fundit.
Gjykata Themelore e Prizrenit-Dega Suharekë mori aktgjykim në favor të drejtorit të larguar nga puna, duke e kthyer të njëjtin në punë.
“Anulohet vendimi për shkëputjen e marrëdhënies së punës drejtorit Remzi Bajslemani dhe detyrohet komuna e Suharekës që të njëjtin ta kthejë në punë, në pozitën e drejtorit dhe Komuna e Suharekës ngarkohet edhe me shpenzimet e procedurës,” thuhet në aktgjykimin e gjykatës në Suharekë.
Remzi Bajselmani më 25 nëntor 2013, në kohën e qeverisjes së Suharekës nga Blerim Kuqi, u zgjodh për herë të dytë drejtor i Shkollës Fillore “Gjergj Kastrioti-Skënderbeu” me një mandat deri më 25 nëntor 2018.
Por më 26 maj të 2014-ës atij me aktvendim iu ndërpre kontrata me arsyetimin e përmbushjes së pakënaqshme të detyrave të punës.
Avokati i Komunës së Suharekës Selajdin Gallopeni kishte kërkuar hedhjen poshtë të padisë së Bajselmanit.
Ai i tha KALLXO.com-it se kjo komunë nuk është e kënaqur me aktgjykimin për rastin e drejtorit.
Gallopeni bëri të ditur se ka bërë ankesë dje në Gjykatën e Apelit.
Remzi Bajselmani kontestin me komunën e fitoi pas një viti të ballafaqimit me të në gjykatë./Kallxo.com/