Ambasadori amerikan në Tiranë, Donald Lu, thotë se janë identifikuar disa kandidatë për kryetarë bashkish me histori të mundshme kriminale.
Ai ka deklaruar se pas konstatimeve përfaqësia e drejtuar prej tij ka nisur bisedimet me forcat politike në shqipëri.
“Në përgjithësi ndihemi mirë për listat, nga prania e një numri të madh kandidatësh të aftë. Por kemi identifikuar disa emra me histori të mundshme kriminale dhe jemi duke i diskutuar rastet e tyre me përgjegjësi me udhëheqësit e tyre politikë”, tha diplomati amerikan.
Shtetet e Bashkuara të Amerikës do të japin më shumë se gjysmë milionë dollarë mbështetje për vëzhgimin e këtyre zgjedhjeve më qëllim që të jenë të lira dhe të ndershme./Tv Klan/