Në një intervistë për RTV21, deputetja e LDK-së Vjosa Osmani ka deklaruar se 355 delegatët e LDK-së që do të vendosin per udhëheqësinë e re të kësaj partie duhet të vendosin në mes të ripërtërirjes apo shuarjes së partisë. Ajo tha se përkrahja e anëtarësisë pr alternativën që ajo përfaqëson është jashtëzakonisht e madhe, por mbetet të shihet nëse delegatët do t’a respektojnë këtë vullnet të elektoratit.
Ajo konfirmoi se nuk do të votojë për Thaçin president gjatë vitit të ardhshëm dhe i ftoi deputetët e tjerë të kundërshtojnë mandatin e Thaçit për President. Ajo poashtu u bëri thirrje publike deputetëve të LDK-së të nënshkruajnë kërkesën për hetimin e SHIK-ut.