Departamenti për Krime të Rënda i Gjykatës Themelore të Prizrenit i ka caktuar masën prej një muaj paraburgim të pandehurit N. Rexhepaj nga Gjinovci i Suharekës.
Ai dyshohet se ka kryer veprën penale blerja, posedimi, shpërndarja dhe shitja e paautorizuar e narkotikeve substancave psikotrope dhe analoge.
“I pandehuri do të mbahen në paraburgim në kohëzgjatje prej 1 (një) muaji, i cili do të llogaritet prej kohës së arrestimit, data 20.05.2015, dhe do të zgjasë deri me datën 20.06.2015”, thotë zëdhënësja e Gjykatës Themelore të Prizrenit, Afërdita Kicaj.
Gjyqtarii Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit.
I pandehuri dyshohet për shkelje të Kodit Penal, se i njëjti në shtëpinë e tij në fshatin Gjinovc në një buton kanë qenë të fshehura sasia e narkotikut – heroin me peshë prej 6.854,48 gram. /PrizrenPress.com/