Kryetari i Nismës për Kosovën, Fatmir Limaj, ka thënë se më mirë do të ishte që OKB-ja të krijonte Gjykatën Speciale.
“Më me interes është që Këshill i Sigurimit ta krijonte sesa ne. Kjo çfarë po na kërkohet neve është dëmtimi i sovranitetit të Kosovës. Ajo s’ka punë me Kosovën por me individë”, është shprehur Limaj në emisionin “Info Magazine” në “Klan Kosova”.
Limaj ka deklaruar se shtyrja e seancës së sotme për votimin e amendamenteve kushtetuese për themelimin e Gjykatës Speciale është bërë nga koalicioni qeveritar, PDK-LDK.
Sipas tij, deputetët që nuk do ta votojnë për këto amendamente, janë persona me dinjitet.
“Koalicioni qeveritar nuk ka mundur t’i bindë deputetët që të votojnë kundër vullnetin të tyre dhe qytetarëve të vendit, shpresoj që kjo është ajo. Megjithatë në Parlament të Kosovës ka njerëz me dinjitet”, ka thënë Limaj.
Amendamentet që i ka dorëzuar Qeveria e Republikës, sipas Limajt, janë të dëmshme për sovranitetin e Kosovës.