Bilall Sherifi nga Nisma për Kosovën ka ironizuar me shefin e Grupit Parlamentar të PDK-së, Adem Grabovci, në lidhje me deklaratën e këtij të fundit për draft-ligjin për Gjykatën Speciale.
“Adem Grabovci paska deklaruar: ‘Posa të marrim draft ligjin nga Qeveria e Kosovës, do të diskutojmë me deputetët çështjen e votimit’.
Nisur nga kjo po del se Ademi ende nuk e paska marrë nga Qeveria draft-ligjin për Gjykatën Speciale. Nëse kjo është e vërtetë, atëherë po i bie që Ademi qenka shkarkuar nga pozita e lartë ‘shef i shefave’.
Nëse Ademi ende e mban këtë pozitë, i bie që ai e ka marrë draft-ligjin nga Qeveria. Athu kush e din cila nga këto dyja është e vërtetë?”, ka shkruar Sherifi në profilin e tij në Facebook. /Telegrafi/