Mëngjesi nisi me një viktimë në Elbasan.
Një sherr me thika mes disa personave përfundoi me një të vrarë.
Viktima është Agron Lleshanaku, kurse autor i krimit është Mariglen Brahja.
Ngjarja është shënuar në lagjen ‘Sul Papri’ dhe policia ka shkuar në vendin e ngjarjes për të kryer veprimet hetimore.
Sipas policisë së Elbasanit, viktima Agron Lleshanaku, me banim në Elbasan ishte i goditur me thikë, në pjesë të ndryshme të trupit. Ai kishte shkuar i pajetë mëngjesin e 18 qershorit në Spitalin Kirurgjik të Elbasanit.
Nga të dhënat paraprake, mendohet se ngjarja ka ndodhur si pasojë e një konflikti të çastit mes viktimes dhe autorit të dyshuar.
Sipas ABC News, dyshohet se motivi ka qenë një vend pune në fabrikën e çimentos.
Pak orë më vonë u lajmërua se policia e arrestoi të dyshuarin për vrasjen.
Brahja u kap në Tepelenë, duke tentuar të largohet për në Greqi.