Një grabitje me thikë ka ndodhur në orët e mbrëmjes se djeshme në Prizren.
Zëdhënësi i Policisë Rajonale në Prizren, Hazir Berisha thotë se nën kërcënimin e thikës një personit i është grabitur një telefon me vlerë 750 euro.
“Rreth orës 22:15 një i ri ka raportuar rastin në polici për shkak se i njëjti përderisa kishte qenë në një lokal në Sheshin “Shatërvan” ishte thirr nga i dyshuari N. D. kinse për të biseduar me te dhe pasi e kishte futur në një qorrsokak e kishte nxjerr një thikë me të cilën e kishte kanosur viktimën me qellim që t’i a grabis telefonin “Aifon 6” në vlerë 750 euro”, thotë Berisha.
Pas raportimit të rastit, Policia e Prizrenit e ka identifikuar të dyshuarin të cilin e kanë kërkuar në shtëpinë e tij.
“I dyshuari me t’a parë policinë kishte ikur në drejtim të panjohur ndërsa prindërit e të dyshuarit kanë qenë bashkëpunues me policinë dhe kanë arritur që telefonin e grabitur t’ a kthejnë në stacion i cili i është dorëzuar viktimës”, thotë Berisha.
Është informuar prokurori i shtetit i cili ka sugjeruar që rasti të procedohet me procedurë të rregullt. /PrizrenPress.com/