Të premtën mbahet performansa publike “Komunë e Hapur II” organizuar nga “EC Ma Ndryshe” në kuadër të projektit “Qyteti gjithëpërfshirës…”, financuar nga Olof Palme International Center (OPIC), e cila përkrahet nga Qeveria e Suedisë.
Aktiviteti “Komunë e Hapur II” do të mbahet nesër me fillim në ora 11:00, në hapësirën publike rreth objektit të Komunës së Prizrenit (Shtëpia e Bardhë).
Kjo performansë është vazhdimësi e kërkesës për hapjen e komunës për qytetarë, duke patur për synim promovimin e lëvizjes së lirë në hapësira publike, më shumë hapësira gjelbëruese dhe transparencë në objektet publike.
Performansa publike ‘’Komunë e Hapur II’’ në mënyrë simbolike përsërit kërkesën për lirimin e hapësirës publike nga gardhi rrethues, që momentalisht ua pamundëson qytetarëve shfrytëzimin e kësaj hapësire. /PrizrenPress.com/