Në shikim të parë duket sikur një pishinë e lënë pas dore, por ndryshe nga dukja, vlera e ujit që përmban Banja e Malishevës ka shumë veti shëruese.
Smajl Hazrolli, menaxheri i pishinës, thotë se uji shëron sëmundje të lëkurës dhe të lukthit.
Përveç kësaj, nga rrjedha e këtij burimi krijohet edhe lumi me ujëvarat në Mirushë.
Ky burim i pashtershëm bën që banjën ta vizitojnë qytetarë nga e tërë Kosova e vise tjera shqiptare, si për argëtim edhe për shërim. Kjo pasi që uji është shumë i pastër.
Vendësit, këtë vend e quajnë “u la rila”, e cila besohet se ka mbetur nga një familje ilire, që kishte jetuar shumë shekuj më parë.
Bukuritë e 11 ujëvarave të Mirushë, vizitohen shumë, veçanërisht vikendeve. /Klan Kosova/