Kreu i Bashkësisë Islame të Kosovës, Naim Tërnava ka pritur sot në selinë e Bashkësisë një delegacion të kabinetit qeveritar, të udhëhequr nga kryeministri, Isa Mustafa.
Kryeministri Mustafa me këtë rast uroi gjithë besimtarët islamë për festën e Fitër Bajramit, duke u uruar paqe dhe harmoni nëpër të gjitha familjet shqiptare.
Bashkë me Mustafën ishin edhe zëvendëskryeministri Hashim Thaçi, ministrat Ferid Agani, Avdullah Hoti etj.
Po ashtu për të uruar festën e Fitër Bajramit ishin edhe kryetari i Aleancës për Ardhmërinë e Kosovës, Ramush Haradinaj, bashkë me deputetët e kësaj partie, Pal Lekaj e Lahi Brahimaj.
Pritja tradicionale në Bashkësinë Islame të Kosovës me rastin e festës së Bajramit të Madh ka filluar në orën 9:00 të mëngjesit dhe do të zgjasë deri në mesditë.