Graham Coxon, britpop kitaristi i Blur, e ka quajtur Kanye West’in një “idiot të ndyrë”, në një intervistë dhënë së fundi.
Bendi – i cili në muajin prill ka publikuar albumin e parë pas 12 vjetësh The Magic Whip – ka folur për të përditshmen britanike The Guardian, ndërsa Coxon është pyetur se ç’mendonte për reperin Kanye West, si një shembull i muzikantit që bën gjëra interesante.
“Ai është një idiot i ndyrë, apo jo? A i bën ai albumet e veta?”
“Njerëzve nuk u intereson t’i mësojnë instrumentet dhe ta lënë aty mundin e kohën. Ata e duan menjëherë. Është McDonalds, apo jo? Është e përshtatshme. Por, krejt çfarë dëgjoj unë është një lak fillestar, disa tipa që nisin të këndojnë ose të bëjnë rep, dhe laku mbaron. Nuk ka asnjë formë në këtë gjë. Dhe, vargjet, thjesht, duket se janë idiote”, ka thënë Coxon.