Kritiku i njohur dhe kuratori amerikan, Nail Young thotë se është i lumtur që ndodhet në Kosovë. Ai menjëherë është përgjigjur pozotivisht ftesës për të qenë pjesë e edicionit të XIV të festivalit DokuFest. Madje, sipas tij, tema e këtij edicioni është shumë e qëlluar, raporton lajmi.net.
Këtë vit DokuFest prezanton një program special të kinemasë radikale amerikane të kuruar nga kritiku i mirënjohur i filmit dhe kuratori Neil Young, i cili në mes të vitit 2005 dhe 2014 ndihmoi në organizimin (së pari si programer, pastaj si drejtor) e Festivalit të Filmit të Bradford në Muzeun Kombëtar të Medias në Britaninë e Madhe që ndodhet City of Film të UNESCO.
Neil, shkrimet e të cilit janë paraqitur rregullisht në publikime nga Sight & Sound deri në The Hollyëood Reporter, ka inicuar dhe programuar një selektim të filmave të gjatë, dokumentarëve, filmave eksperimental dhe të shkurtër nga pjesa më radikale e skenës së filmave të pavarur nga SHBA – të përmbledhura nën titullin “Uncharted States of America” (“Shtetet e Bashkuara të pa-eksploruara”).
Young tha në Prizren se Amerika është vend i krijuar nga migrantët.
“Në Amerikë ka zëra të ndryshëm, deri tek më kritikët. Këta filma paraqesin pikërisht zërin kritik”, tha Young.
Ai në jetën e tij ka punuar shumë me mjetet e tij vetnaanek dhe kryesisht ne tema sociale.
Gjatë tetë edicioneve “Uncharted States of America” përfshinë më shumë se tetëdhjetë filma nga një varg eklektik i regjisorëve, dhe tani Neil Young po prezanton një përzgjedhje të veçantë nga të preferuarit e tij – plus edhe disa tituj të ri – me secilin nga gjashtë programet të paraprirë nga së paku një film i shkurtër i Madison Brookshire nga Kalifornia./lajmi.net