Rreth orës 22:40 minuta, dje, policia në Suharekë ka reaguar ndaj krismave nga arma e zjarrit, të cilat janë dëgjuar të vinin nga fshati Dobërdelan.
Një patrullë policore ka shkuar në fshat dhe ka identifikuar një shtëpi ku ishte organizuar dasmë. Në bisedë e sipër i zoti i shtëpisë kishte thënë të ketë dëgjuar krisma, porse nuk e dinte se kush kishte shtënë.
Pasi policët kishin këmbëngulur se nuk do të largoheshin pa u gjetur arma, një i dyshuar është vetëparaqitur para policisë dhe kishte treguar se armën e kishte fshehur jashtë oborrit të shtëpisë. Arma dhe shkresat e lëndës i kalojnë prokurorisë për procedura të mëtejme, ndërsa i dyshuari është liruar. /PrizrenPress.com/