Sot pas mesnate rreth orës 00.35 minuta në Qendrën Intensive të QKUK-së ndërroi jetë akademik Mark Krasniqi. Lajmin e ka konfirmuar për Botapress, mjekja kujdestare Agreta Gecaj – Gashi. Ajo ka thënë se pacienti Mark Krasniqi rreth 35 minuta pas mesnate ndërroi jetë.
Profesor Mark Krasniqi u shtri në QKUK dy ditë më parë pas një përkeqësimi të shëndetit të tij.
Krasniqi ka qenë profesor, shkrimtar dhe akademik.
Ai ka shërbyer si kryetar i Akademisë së Shkencave dhe Arteve të Kosovës. Po ashtu ka qenë anëtar i Kuvendit në disa legjislatura, duke përfaqësuar Partinë Demokristiane të Kosovës.