Dega e Partisë Demokratike të Kosovës në Malishevë, ka reaguar ndaj Gjykatës së Apelit në Prishtinë, duke thënë se disa drejtorë të shkarkuar të subjektit politik NISMA janë kthyer në vendet e tyre të punës.
Përfshirë në këtë, janë drejtorët: Shemsi Morina, Rajmonda Krasniqi të cilët ishin kthyer në vendin e tyre të punës muajin e kaluar, ndërsa me vendim të Gjykatë së Apelit në Prishtinë, është khyer drejtor i gjimnazit “Hamdi Berisha”, në Malishevë.
Më poshtë mund ta lexoni reagimin e plotë të PDK-së në Malishevë:
Gjykatat kthejn në punë drejtorët e shkarkuar nga subjekti politikë NISMA.
Muajin e kaluar në vendet e tyre të punës janë kthyer drejtorët Shemsi Morina dhe Raimonda Krasniqi kurse tash me vendimin e Gjykatës së Apelit në Prishtinë, Agim Samadraxha kthehet drejtor në Gjimnazin “Hamdi Berisha” në Malishevë.
Në Procedurë Përmbarimore, Këshilli i Pavarur Mbikqyrës i Shërbimit Civil të Kosovës si dhe Gjykatat kompetente kanë kthyer në vendet e punës drejtorët e shkollave të cilat i ka shkarkuar “Nisma për Kosovën” menjëherë pas ardhjes së saj në pushtetin Komunal të Malishevës.
Pasi muajin e kaluar janë rikthyer dhe kanë marrë detyrën e tyre drejtorët Shemsi Morina – drejtor në SHFMU “Ganimete Tërbeshi” në fshatin Astrazup dhe Raimonda Krasniqi, drejtoreshë në SHFMU “Hasan Prishtina” në Tërpezë, Gjyakata e Apelit në Prishtinë ka vendosur që të kthej edhe Agim Samadraxhën, drejtor në Gjimnazin “Hamdi Berisha” në Malishevë.
Në të gjitha rastet, krahas kthimit në vend të punës, drejtorët që po rikthehen po marrin edhe kompensimin e tyre në paga kurse paga për 2 drejtor në një shkollë dihët që është keqpërdorim i buxhetit komunal nga ana e pushtetit komunal të cilin e drejton “Nisma për Kosovën”.
Së shpejti pritet rikthimi i drejtorëve edhe në disa shkolla të tjera të Komunës të cilët nga postet e tyre janë larguar me motive politike.
PDK në Malishevë me kohë ka tërhequr vërejtjen se largimi i drejtorëve që po rikthehen në postet e tyre është në kundërshtim me ligjin dhe paraqet vepër penale mirëpo Komuna e Malishevës ka injoruar vërejtjet e drejtuara duke vazhduar me fushata dhe diskriminime jo ligjore edhe në kuadrin arsimorë në të gjitha shkollat e Komunës.
Kjo sjellje e pushtetit aktual në Malishevë ka sjell në gjendje të rëndë arsimin e komunës së Malishevës në tërësi kurse një gjendje posaqërishtë e rëndë është në Shkollën e Mesme Profesionale “Qendra e Kompetencës” në Malishevë ku në punësimin e kuadrit mësimorë po bëhen shkelje të mëdha ligjore.