Kryetari i Lëvizjes Vetëvendosje, Visar Ymeri, ka thënë se “për ironi të fatit, ‘Zajednica’ njihet nga më shumë shtete sesa vetë pavarësia e Kosovës”.
Ai në një tribunë të organizuar në Prizren, me moton “Populli s’pranon Zajednicë”, ka thënë se vitin e ardhshëm kjo Bashkësi do të kerkojë kompetenca edhe në menaxhimin e Kishave Ortodokse, raporton Telegrafi.
“Për ironi tonën, Zajednica ka njohje më të fuqishme dhe me të madhe sesa vetë shteti ynë. ‘Zajednicën’ do ta njohin edhe shtetet që nuk njohin Kosovën, perkatësisht ato vende që po e luftojnë vendin tonë”, ka thënë Ymeri para një numri të madh simpatizantësh.
Ai ka bërë thirrje që Kosova të mbrohet, duke kundërshtuar ‘Zajdnicën’ në çdo formë, duke mos përjashtuar edhe protestat. /Telegrafi/