Dy të rinj të Prizrenit të hënën, rreth orës 21:00 kishin gjetur një portofol meshkujsh teksa po lëviznin përball restorantit Vila 100 në këtë qytet dhe e kanë dorëzuar atë në Policinë në Prizren.
“Përpos disa kartelave bankare, në portofol ndodheshin edhe 765 euro dhe një fotografi. Policia e ka identifikuar personin i cili e kishte humbur portofolin dhe të njëjtin ia ka kthyer sipas procedurave të pranim-dorëzimit”, njofton zëdhënësi i Policisë Rajonale të Prizrenit, Hazir Berisha.
Pas pranimit të portofolit, qytetari ka falënderuar gjestin human të të rinjve dhe Policinë e Kosovës. /PrizrenPress.com