Kryetari i Rahovecit, Idriz Vehapi, priti sot në një takim përfaqësuesit e Agjencisë Zvicerane për Zhvillim dhe Bashkëpunim (SDC), Debra Stevanson dhe Qamile Ramadani, udhëheqëse e projektit që kjo Agjenci planifikon ta realizojë për ndihmë në kujdesin shëndetësor parësor në komunën e Rahovecit dhe në komunat tjera të Kosovës.
Dobra Stavenson, prezantoi projektin i cili do të zbatohet në komunën e Rahovecit, që ka të bëjë me sektorin e shëndetësisë dhe ky projekt parashihet të fillojë me fazën fillestare prej nëntë muajsh dhe do të vazhdojë me kohëzgjatje prej katër vite, projekt ka të bëjë kryesisht me kujdesin shëndetësor parësor.
Kryetari i Rahovecit, Idriz Vehapi, fillimisht i falënderoi përfaqësuesit e Agjencisë Zviceran për Zhvillim dhe Bashkëpunim, për përfshirjen e komunës së Rahovecit në këtë projekt të rëndësishëm në fushën e shëndetësisë dhe tha se si komunë jemi të gatshëm të bashkëpunojmë në këtë projekt dhe në të gjitha projektet tjera që të cilët janë me rëndësi për banorët e komunës së Rahovecit.
Sipas zyrtarëve të SDC-së, qëllimi dhe objektivi i këtij projekti janë ndarë në tri fusha: në atë të ofrimit primar të kujdesit shëndetësor shërbime cilësore në fushat me prioritet, menaxhimi në nivelin komunal dhe vetëdijesimi i popullatës.