Ka përfunduar takimi në mes të presidentes Atifete Jahjaga dhe liderëve të tri partive opozitare, Lëvizjes Vetëvendosje, AAK-së dhe Nismës për Kosovën.
Me këtë rast, kryetari i Aleancës për Ardhmërinë e Kosovës, Ramush Haradinaj ka thënë se tre partitë opozitare nuk do të tërhiqen nga kërkesat e tyre duke shtuar se takimin e përbashkët me partitë që udhëheqin me koalicionin qeverisës PDK-LDK e pranojnë vetëm atëherë kur tërhiqen nënshkrimet nga marrëveshjet e Brukselit.
Nga ana e tij, edhe kreu i Lëvizjes Vetëvendojse, Visar Ymeri ka ripërsëritur se opozita nuk do të heq dorë nga qëndrimet e saj.
Kurse, udhëheqësi i Nismës, Fatmir Limaj tha se është e padrejtë që opozitarët po përndiqen nga prokuroria.
Ndërkohë që , I pari i AAK-së Haradinaj foli edhe për mbajtjen e seancave të Kuvendit të Kosovës duke thënë se çdo thirrje për mbajtjen e tyre është e padrejtë dhe provoikim.
Kurse, kolegu i i tij nga Vetëvendosje Visar Ymeri tha pas takimit me të parën e shtetit se i kanë bërë thirrje udhëheqëses kosovare që të kërkojë mos mbajtjen e seancave të reja pa pajtim partiak, njofton Klan Kosova.