Banorët besonin se prekja e gurit rrit pllenimin e nënave
Abaz Qengaj, mësimdhënës dhe intelektual i fshatit më malor Pllajnik të Opojës, shprehet për “Kosova Sot” se Guri Nreft gjendet në një lartësi 1480 metra dhe mendohet se aty ka qenë ndërtuar kisha. Vendbanimet e këtushme kanë legjenda të shumta nga “luga e shtrigës” e deri tek legjendat e mëdha, që po t’i dëgjosh u ngjajnë miteve të lashta
Po shkove në këtë kohë në Pllajnik, fshatin më të lartë malor të komunës së Sharrit, edhe në këtë kohe vjeshte rrezet e diellit janë mjaft të forta. Kurse pjesa tjetër e Kosovës duket si një det ose që i ngjan mjegullës së vjeshtës së vonë. Mësimdhënësi, poeti dhe studiuesi nga ky fshat, Abaz Qengaj, shpjegon se banorët e kësaj ane kanë ajër të pastër dhe dimër të gjatë.
Ai tregon se në bazë të pozitës dhe lartësisë që ka, Pllajniku paraqet kulmin e fshatrave të Opojës. Shtrihet në njërën nga pllajat e Sharrit, në lartësi mbidetare 1350 -1422 metra. Sipërfaqet e mëdha të kullosave malore, të cilat kanë nxitur që popullsia të merret me blegtori, kanë qenë faktori kryesor që këtu janë vendosur banorët e parë në këtë vend që e emërtuan Pllajnik. Ky emër vjen nga burimet e sigurta të fjalëve shqipe pllajë dhe nik.
Ky vendbanim daton shumë herët dhe kështu në dokumentet e vjetra osmane të vitit 1575 Pllajnikun e gjejmë po me këtë emër që tregon se Pllajniku hyn në vendbanimet më të lashta të Opojës…/kosova sot/