Ministria e Arsimit, Shkencës dhe Teknologjisë (MAShT) ka reaguar ndaj kërcënimeve që janë bërë dje ndaj dy inspektorëve të arsimit, B. Halimi Zagragja dhe S. Sadriu, në vendin e tyre të punës.
MASHT thekson se kërcënimi vjen në kohën kur inspektorati i arsimit po fuqizohet në funksion të rritjes së rregullit dhe cilësisë në sistemin arsimor.
“Është e papranueshme që të kërcënohet kushdo për punën e tij, aq më parë kur kjo bëhet nga një mësimdhënës, misioni i të cilit është edukimi dhe arsimimi i brezave të rinj. Ministria e Arsimit kërkon nga organet kompetente që të ndërmarrin masa përkatëse ndaj kërcënuesit, në mënyrë që raste të tilla të mos përsëriten”, thuhet në njoftim. /Telegrafi/