Polica e Kosovës njofton se të shtunën rreth orës 19:40 minuta në ambientet e klubit të fitnesit “Achilees” në rrugën “Tirana” ka ndodhur një tentativë për vrasjen e një personi të gjinisë mashkullore që për fat ka përfunduar vetëm me plagosje.
Sipas hetuesve që kanë kryer hetime në vendin e ngjarjes thuhet se dy të dyshuar, vëllezër, me mbiemër Hazeraj, kanë hyrë në palestër dhe njëri nga ta ka shtënë me pistoletë në drejtim të viktimës me ç‘rast i shkakton plagë në bërrylin e krahut të djathtë.
Viktima kishte mundur të ikte dhe ishte fshehur në objekt ndërsa të dyshuarit kishin ikur në drejtim të panjohur. Policia ka kryer kontrolle në shtëpinë e të dyshuarve por nuk janë gjetur ende. /PrizrenPress.com