Ylli më i madh i hip hopit në botë dhe një ndër emrat më të rëndësishëm Wiz Khalifa do të performojë për herë të parë në rajon në skenën kryesore të Exit Fesitvalit 2016. Wiz Khalifa vjen në Serbi në kulmin e popullaritetit të tij, pas suksesit të sivjetmë në të gjitha top listat botërore me këngën “See You Again” nga filmi “Furious 7”, e cila për 12 javë qëndroi në vendin e parë të top listës amerikane duke barazuar rekordin e Eminemit. E njëjta këngë arriti 1,2 miliard shikime në YouTube duke u bërë videoja më e shikuar për këtë vit dhe një ndër videot më të shikuara të të gjitha kohërave.
Singlat e deritashëm të Wiz Khalif-ës gjithashtu arritën majat e hip hop skenës dhe së bashku kalojnë tre miliardë shikime në YouTube, gjë që e bënë ndër performuesit më të popullarizuar në botë. Wiz Khalifa u nominua në dhjetë kategori për çmimet Grammy, ndër to edhe për këngën më të mirë. I njohur për stilin e tij reperi nga Pitsburgu ka edhe linjën e vet të modës e gjithashtu luajti edhe ne filmin “Mac & Devin Go To High School” ku rolin kryesorë e ndan me Snoop Dogg-in.
Përveq Wiz-ës tjetër emër i madh i hip hopit do të vjen nga jugu i Londrës. Për momentin reperi më i kërkuar evropian Stormzy do të performojë të dielën me 10 korrik 2016 në skenën kryesore dhe do ta vërtetoj pse e njohin si MC-ja më i mirë në Evropë.
Një ndër vokalet më të bukura femërore të RNB & hip hopi-it, Ms Dynamite do të performojë në Exit në kuadër të X-Bass programit dhe festimit të 20 vjetorit të Playaz e cila sivjet mbahet në klubin Fabric në Londër. Në skenën kryesore të Exit-tit do t’i bashkangjitet edhe Ivy Lab dhe treshja dnb nga Londra Sabre, Stray dhe Halogenix. /KultPlus.com