Kuvendari i Bashkimit Demokratik(BD) në Prizren, Shani Berisha thotë se trashëgimia kulturore në këtë qytet është degraduar. Sipas tij, institucionet nuk kanë arrit të ruajnë trashëgimin e Prizrenit.
“Trashëgimia kulturore historike,është treguese e jetës së kaluar të popujve ndër shekuj. Qyteti i Prizrenit, kishte një trashëgimi kulturore,që sot më është atakuar”, thotë Berisha.
“Përpjekjet e dashamirëve të kësaj trashëgimie me tentimet e tyre të aplikimit të tre metodave: konservim,restaurim,dhe rikonstruimi,tani më kanë dalë të pasuksesshme apo të dështuar”,
“Edhe pse në ruajtjen e këtyre vlerave në qytetin e Prizrenit,ekzistojnë tri institucione zyrtar: Institutit për Trashëgimi Kulturore e Historike,Këshilli i për ruajtjen e Trashëgimisë Kulturore të Zonës Historike,dhe Inspektorati i Ndërtimtarisë,atakimet dhe degradimet e kësaj kulture nuk janë ndalur!”.
“Po të ishin në nivelin e përgjegjësive të tyre, këto organe,dhe vetëm po t’i referoheshin Planit rregullues urbanistikë të konservimit, i cili ekziston që nga vitit 2006, sot gjendja në drejtim të ruajtjes së trashëgimisë kulturore historike në qytetin e Prizrenit, do të ishte ndryshe për të mirë”/PrizrenPress.com/