Analistët politikë dhe përfaqësuesit e subjekteve opozitare në vend dyshojnë se peticioni, i cili u iniciua javën e kaluar kundër ambasadorit amerikan në Kosovës, pas kritikave ndaj opozitës për sjelljet e dhunshme në Parlament mund të jetë një skenar i partive në pushtet dhe i SHIK-ut të PDK-së, për njollosjen e opozitës kosovare te SHBA-ja dhe faktori tjetër me ndikim ndërkombëtar, si dhe për të krijuar një lloj mjegulle në prag të seancës, në të cilën pozita do të tentojë të “kontrabandojë” votat, në të gjitha mënyrat e mundshme, për ta zgjedhur Hashim Thaçin president të vendit.
Analistët dhe opozita kërkojnë që AKI-ja dhe Prokuroria e Shtetit të shkëputen nga ndikimi i politikës dhe të përgjojnë zhvillimin e krejt këtij procesi për të parandaluar manipulimet dhe kontrabandën me vota. “Skenarët e tillë dinë t’i bëjnë vetëm shkollarët e shkolluar të SHIK-ut, të orkestruar nga njerëzit kriminelë, që nuk e njohin shtetin e Kosovës dhe miqësinë me shtetin më të madh mik të shqiptarëve, siç është SHBA-ja. Peticionet e tilla nuk janë të mirëseardhura për shoqërinë kosovare, sepse SHBA-ja ishte dhe do të mbetet një ndër aleatët më të mirë dhe besnikë të shqiptarëve”, ka thënë Ali Herica.
“Këto lloj veprimesh nën hije dhe shumë të tmerrshme mund të vijnë vetëm nga SHIK-u, servis kriminal i koalicionit PDK-LDK, me qëllim të dënimit dhe denigrimit të opozitës në sytë e faktorin ndërkombëtar, që opozita të mos ketë përkrahje nga faktori ndërkombë- tar, ku pretendon që ta izolojë nga skena politike, se kinse opozita kosovare qenka kundër SHBA-se”, tha analisti Hertica../kosova sot/