Policia dhe forcat speciale angleze janë përgatitur dhe po qëndrojnë në gjendje gatishmërie pasi që janë lajmëruar nga shërbimet sekret se në Londër mund të ketë më se 10 sulme terroriste në të njëjtën kohë, shkruan The Sunday Times, përcjellë Klan Kosova.
Agjencia kombëtare për krime është urdhëruar që të marrë masa emergjente pasi që Londra kërcënohet nga sulme të terroristëve të kthyer nga Siria.
Një ministër anglez, sipas gazetës, ka thënë se “ne kemi plane operative për raste të tilla, por sulmet në Paris kanë treguar se masat duhet jenë tejet të rrepta. Ne jemi gati nëse dikush provon të sulmojë në shtatë, tetë, nëntë apo dhjetë vende”.
Në këtë operacion thuhet se është involvuar edhe ushtria dhe po qëndron në gjendje gatishmërie për të reaguar.