Deputeti i Nismës Zafir Berisha ka kërkuar nga Vetëvendosje! të reflektojë dhe të marrë pjesë në protestën e AAK-së.
“VV-së si subjekt serioz i duhet të reflektojë ne këso raste kur dihet se emëruesi i përbashkët i asaj që e bashkon opozitën, ka qenë kundërshtimi i qeverisë kuislingë”, shkruan Berisha në Facebook.
“Protesta e paralajmëruar për 14 maj është në vazhdën e kundërshtimeve të qeverisë antikushtetuse, presim që edhe VV-ja, si Nisma do të kontribuojnë në masivizimin e protestës”.
“Ne jemi parti të ndryshme dhe kemi programe dhe platforma të ndryshme, ajo që na bashkon ka qenë kundërshtimi i kësaj qeverie kriminale dhe antikushtetuse, përndryshe si opozitë kemi përgjegjësi edhe karshi atyre që qëndruan besnikë në kauzën tonë të përbashkët, që u burgosën e turturuan dhe u ndëshkuan ne forma të ndryshme nga regjimi Mustafa /Thaqi.”/PrizrenPress.com/