Kryetari i Komunës së Rahovecit Idriz Vehapi bashkë me nënkryetarin e komunës dhe drejtorin për Buxhet dhe Financa pritën në takim zyrtarin e lart të demokratizimit nga zyra rajonale e OSBE-së në Prizren, George Katcharava, si dhe Yusuke Hara e Aqim Emurli, poashtu zyrtarë në zyrën rajonale të OSBE-së në Prizren.
Qëllimi i takimit ishte që të diskutohet në vazhdimësinë e zhvillimeve për financimin e këshillit për fshatin Hoçë e Madhe të Komunë së Rahovecit.
Gjatë takimit është theksuar nevoja për bashkëpunim dhe koordinim me të madh në mes të Komunës me nivelin qendror, respektivisht me Ministrinë e Financave.
Ne këtë drejtim të dy palët u dakorduan, që në të ardhmen e afërt Komuna e Rahovecit të dërgoj një kërkesë tek ministria e financave dhe të njoftoj ministrinë e ambientit dhe planifikimit hapësinor për të kërkuar përfshirjen e kompetencave të zgjeruara për këshillin e fshatit Hoçë e Madhe në qarkoret buxhetore.
Kryetari Vehapi, konfirmoi përkrahjen e tij të plotë në zgjidhjen e kësaj çështjeje si dhe e theksoi nevojën për koordinim me arteret e nivelin qendror përmes një tryeze të rrumbullake me qellim që ti jepet zgjidhje kësaj çështje. /PrizrenPress.com/