Dita e Dëshmorëve është shënuar sot në Rahovec.
Kryetari i Komunës së Rahovecit Idriz Vehapi, tha se dëshmorët hoqën dorë nga shqetësimet personale për të çliruar vendin.
“ Ishte një kohë e vuajtjeve njerëzore në vendin tonë dhe bijtë tanë ishin të detyruar të bëjnë një zgjidhje: të pranojnë robërinë, ose të marrin armët dhe të luftojnë duke mos e menduar çmimin që mund ta paguanin”, tha ai.
“Dëshmorët që po i kujtojmë sot, janë njerëz që hoqën dore nga shqetësimet e tyre personale. I harruan ambiciet e tyre personale individuale, kurë u gjetën para kësaj zgjidhje, e ku zgjodhën ta bëjnë sakrificën e fundit”.
“Tash, është koha që ne të bëhemi heronjtë e zhvillimit ekonomik të Kosovës, duke ndjekur gjurmët vetëmohuese të atyre që dhanë jetën në mënyrë që brezat e ardhshëm të jetojnë me nder dhe pa frikë”.
Vajdin Berisha kryetar i OVL e UÇK-së dega në Rahovec në fjalën e tij u shpreh se, “sot kujtojmë rëniet heroike të shumë dëshmorëve të Komunës së Rahovecit, të cilët dhanë jetën për lirin të cilën ne sot po e gëzojmë”./PrizrenPress.com/
