“Sorry seems to be the hardest word” u këndua njëzëri nga 40 mijë fansa, të cilët për herë të parë e priten ikonën britanike të muzikës Elton John në Tel Aviv.
Kryeqyteti izraelit përjetoi emocionet e koncertit të pianistit, njëkohësisht edhe këngëtarit Elton John, si pjesë e turit të tij “A crazy wonderful night”. Ai ishte i shoqëruar nga banda e tij muzikore.
“Shumë bukur, vërtetë klasike si performancë, unë mendoj se Elton John ka një nga zërat më fantastikë dhe u kënaqem, madje edhe ne që jemi brezi i ri”, u shpreh një fans, shkruan tch. “Mendoj se ai duhet komplimentuar që ia doli aq mirë në koncert, edhe pse është afërsisht 70-vjeç”, tha një tjetër fanse.
Elton John hapi zyrtarisht edhe sezonin e koncerteve verore në Izrael.