Një gjykatës amerikan e ka urdhëruar aktorin Johnny Depp për të qëndruar larg nga gruaja e tij, Amber Heard, pasi ajo pretendon që ai e ka sulmuar atë.
Heard tha në gjykatë të premten që gjatë një debati Depp e kishte goditur me telefon mobil në fytyrë.
Gjykatësi gjithashtu e ka urdhëruar aktorin që të mos tentoj të komunikojë me të.
Të hënën, ajo i ka nënshkruar dokumentet e divorcit nga aktori i Piratëve të Karaibeve pas 15 muajsh martesë.
Heard e kishte sjellë në Gjykatën e Lartë në Los Anxhelos, një fotografi të vetes ku shihet e mavijosur në fytyrë.
“Jetoj me frikë që Johnny do të rikthehet në shtëpinë tonë pa paralajmëruar për të më terrorizuar fizikisht dhe emocionalisht”, ka thënë Heard në deklaratën e saj.
Ajo gjithashtu ka thënë se Depp ishte i zhytur në drogë dhe në alkool kur ka ndodhur incidentit.
