Deputeti i Kuvendit të Kosovës, Zafir Berisha, ka treguar për vendimin që ka ndërmarrë Bashkimi Demokratik (BD) për t’iu bashkuar Nismës për Kosovën.
Ai, në një intervistë për ‘Epokën e re’, ka thënë se efekti i parë i këtij bashkimi në strukturat e Nismës do të shihet në qytetin e Prizrenit.
Berisha është shprehur i bindur se me këtë bashkim Nisma do të dalë fituese në Prizren në zgjedhjet e ardhshme lokale.
Sipas tij, fitorja në këtë komunë do të ndikojë që alternativa e Nismës të fuqizohet në të gjithë Kosovën.
Zafir Berisha nuk e ka fshehur ambicien e tij për të qenë kandidat i koalicionit AAK-Nisma për kryetar të Prizrenit.
“Natyrisht se nuk e fsheh ambicien për ta menaxhuar qytetin e Prizrenit”, ka thënë Berisha për ‘Epokën e re’.