Në një shesh të Parisit, i cili që nga viti 1977 mban emrin e heroit tonë kombëtar Gjergj Kastriotit Skënderbeut, do të vendoset një shtatore.
Për realizimin e kësaj vepre në sheshin e quajtur Skanderbeg të zonës 19 të Parisit është përzgjedhur skulptori i talentuar shqiptar, Agim Rada.
Ndërsa sapo ka përfunduar punën me bocelin, Agim Rada do të nisë të modelojë edhe statujën në lartësinë prej 5 metrash.
Skulptori e ka konceptuar Skënderbeun me të gjitha dimensionet e tij si një nga figurat më të njohura historike në Europë.
Ndër 10 bocetet që ka bërë skulptori Veli Rada ka zgjedhur atë ku Heroi ynë Kombëtar qëndron me kokën lart. Me këtë imazh skulptori synon të paraqesë vizionin largpamës të Skënderbeut të Parisit.
Në shtatoren e Skënderbeut nuk do të mungojë edhe kryqi e shqiponja, simbol i stemës së Kastriotëve.
Shtatorja e Skënderbeut pritet të vendoset në Paris rreth muajit nëntor të këtij viti në rrugën që mban emrin e tij.