Dana Giacchetto, brokeri që ka frymëzuar personazhin e luajtur nga Leonardo Di Caprio në filmin “Wolf of Wall Street” (Ujku i Uoll Stritit) është gjetur i vdekur në apartamentin e tij në Upper West Side në New York.
Lajmin e bën të dfitur “New York Daily News” sipas të cilës, Giacchetto vdiq pas një fund-jave plot me vese të këqija dhe abuzimit me alkolin dhe drogën.
Ai ishte 53 vjeç dhe tërhoqi vëmendje në vitet ‘90 për miqësinë e tij me Leonardo Di Caprio.
Më pas ishte bërë këshilltar financiar për yje si Winona Ryder, Matt Damon, Ben Affleck, Cameron Diaz dhe Kate Moss.
Në vitin 2000 u arrestua për një shmangie gjigande taksash me një vlerë prej 9 milionë dollarësh dhe u dënua me katër vjet burg.
Në vitin 2014 u arrestua sërish për vjedhjen e një karte krediti, me të cilën kishte blerë alkool, ushqim dhe një biletë avioni.